Axtardığın burada
+994502033247 Suallarınız üçün daha ətraflı
+994502033247 Suallarınız üçün daha ətraflı
Dili seçin:

Bangkok Bələdçisi

Mart 6 2020 90 Baxış


Bangkokun tam adını görəndən sonra niyə Guinness rekordlar kitabında olduğunu anlayırıq. Tam adı

(mən cümlə deyərdim) - "Krung Thep Mahanakhon Amon Rattanakosin Mahinthara Yuthaya Mahadilok Phop Noppharat Ratchathani Burirom Udomratchaniwet Mahasathan Amon Piman Awatan Sathit Sakkathattiya Witsanukam Prasit”dir.

Mən Bangkoka Air Astana hava yolları ilə Bakıdan gəldim. Qazaxıstanda 6 saat tranzitdə qaldıqdan sonra bir əlavə 6 saatlıq uçuşla da Bangkoka gəldim. Hava limanı o qədər böyükdür ki, oradan tam 3 saata çıxa bildim. Hava limanında olarkən siz visa qeydiyyatından keçmək üçün balaca göy rəngli blank doldurursunuz hansı ki, buraya gəliş məqsədiniz, neçə gün qalacaqsınız, növbəti şəhəriniz, qalacağınız yeri və s. qeyd edib doldurmalısınız. Mən tam doldurmamışdım deyə boş yerləri işarələyərək yenidən yazmağımı xahiş etdilər. Passport kontrolda blank və sadəcə passporta ehtiyacınız olur. Lakin Çin Ərəb, Rus kimi dövlətlərdən gələn insanların doldurduğu blank fərqli idi və orada suallar daha çox idi.
Bangkoka İran, Rusiya, Türkiyə kimi bizə yaxın ölkələrdən də uçuşlar vardır.
Suwarnabhumi hava yolundan şəhərə gəlmək üçün bir çox alternativ yollar var. Taksi, avtobus, metro və avtostop
????Mən yuxusuz və ac olduğumdan ən tez olan metronu seçdim. The Airport Rail Link adlı qatara minərək gedəcəyiniz yerə ən yaxın stansiyada düşə bilərsiniz. MRT (The Metropolitan Rapid Transit) xəttinə keçid üçün Makkasan Citydə düşüb Petchaburi stansiyasına keçid edin. (Bizim 28 may-Xətai-Cəfər Cabbarlı keçidi kimi :D) ordan sonra gedəcəyiniz yerə yaxın stansiyanı özünüz dəqiqləşdirirsiniz). Bilet 45 Bahtdır(1.50 USD).
Əgər avtobus istifadə etsəniz biletin qiyməti 20-30 Bahtdır(0.64-0.96 USD)
Taksilərin qiyməti isə 100 Bahtdan başlayır və gedəcəyiniz yerə görə dəyişir.

Aeroporta olduğunuz zaman nömrələr satılan stendlərlə qarşılacaqsınız. Burada turistlər üçün xüsusi nömrələr vardır ki, 7, 8, 10, 15, 20, 30 gün müddətində aktiv olur və sizə minimum 9 GB, maksimum 130 GB internet təklif edir. Qiymətlər isə 199-649 Baht (6.40-20.70 USD) aralığındadır. Qeyd edim ki, bu qiymətlər “dtac” markalı GSM üçündür.

Mənim hostelim Sanam Chai stansiyasına 30 dq uzaqlıqda idi. Hostelə qədər piyada getdim və yolumun üstü məbədlərlə dolu idi. Dünyanın hər bir yerində məbədlər vardır və o qədər turistin arasına qarışmaqdansa, məbədlərin yanından sadəcə ötüb keçdim. 2 yuxusuz gündən sonra hosteldə bir az istirahət etmək yaxşı hiss etdirdi.

Günorta Bangkok elə də canlı olmur. Mən ara küçələrdə gəzib, ordakı əhali ilə tanış olurdum. Ehtiyatlı olun amma onlardan qorxmayın. Yaxınlaşın, söhbət edin. Onlar çox mehriban və nəzakətlidirlər.  Düşünürəm ki, Buddizmin buna təsiri çoxdur. Araşdırma edəndə gördüm ki, bir çox səyahətçilər də bunun səbəbini Buddizm dinində görür. Əsas məğz budur ki, mən nə qədər yaxşı insan olsam, nə qədər başqalarının malında gözüm olmasa, o biri dünyada bunlar hamısı mənə qayıdacaq. Sizə kömək etmək üçün əllərindən gələni edəcəklər.

Yeməkləri:

Thailandlılar dənizdən nə tapsalar bişirib yeyirlər. Həqiqi mənada hər şey. Sabit mətbəxləri yoxdur. Ətraf ölkələrin – Laos, Kamboçya, Vietnam, Çin mətbəxlərinin təsiri burada hiss olunur.  Mən hostelə gedəndə yolda street foodlardan yedim. Axşamı mənimçün pis oldu.  İkinci bir şok yaşamamaq üçün Mc Donalds və Burger King seçimim idi. Thai yeməkləri restoranlarda daha yaxşı və təmizdir (Gördüyüm qədərilə).  Siz gedəndə yoxlayın mənə də deyərsiniz.
Burada hər cür böcəyin dadına baxmaq da mümkündür. Bir neçəsindən soruşduqda mənə bildirdilər ki, xüsusi yerlər olur ki böcəyi, əqrəbi yemək üçün xüsusi yerlərdə saxlayıb bişirirlər. Yəni küçədən tapdıqların bişirmirlər. Amma yenə də dəqiq məlumat deyil.

Khao San Road Bangkokun ən hərəkətli və canlı hissəsidir. Bu küçədə hər şey tapa bilərsiniz. Bilirsinizmi ki, bu küçənin giriş hissəsində  böyük bir binanın divar örtüyündə  “Must do list for Khao San Road” yazısı var? Aşağıda listi qeyd edirəm:

1. Enjoy street food;
2. Get a Tattoo;
3. Have a massage;
4. Have fun.

Axşam Khao San Roadda 3 türklə qarşılaşdım və onlarla gəzib gəzə bilməyəciyimi soruşdum. Bir ara düşündüm ki, Corona Virusuna görə Khao San Roadda adam belə azdır və ciddən az idi. Ona görə də China towna getdik. Khao San Roaddan taksi götürdük və 100 bahta başını bağladıq. ???? China Town Çinə oxşayır ya yox deyə bilmərəm çünki orada olmamışam. Əgər oxşayırsa, heç vaxt Çinə getmək istəməyəcəm. ???? Amma siz gedin və görün. Yəqin ki, bəyənənlər olacaq. Ordan sonra yenidən Khao San Roada qayıtdıq. Saat 10dan sonra hərəkət etmək üçün yer yox idi bir-birini tanımayan insanlar küçədə oynayıb, əylənirdilər. Türklər demiş, “İynə atsan yerə düşməz”.

 Qeyd: Əlinizdə hansısa içki ilə heç bir məkana daxil ola bilmirsiniz. Bunu nəzərə alın.

- Nərmin Abbaslı